Árshátíð 2024

Mikið var um dýrðir í Fellaskóla síðastliðin fimmtudag þegar árshátíð skólans var haldin og var það Sagan öll sem sett var á svið og var öll leikgerð í höndum kennara og nemanda Fellaskóla.

Tónlistaratriði voru í höndum nemenda Tónlistarskólans í Fellabæ undir stjórn kennara sem hafa undanfarnar vikur séð um æfingar og einnig sáu kennarar Tónfell um að allt sem fór fram á sviðinu heyrðist eins vel og hægt er.

Nemendur á öllum stigum unnu hvern leiksigurinn á fætur öðrum og tónlistarflutningur allur var vel úr garði gerður og nemendur stóðu sig frábærlega.

Fellaskólatorfan þ.e. tónlistarskólinn og grunnskólinn vinna vel saman að undirbúningi árshátíðarinnar og eru orðin nokkuð sjálfbær hvað búnað og tæki varðar til að halda svona viðburð og einfaldar það allan undirbúning að hafa allt sem þarf til hér í húsinu.