Skólagjöld

Skólagjöld Tónlistarskólanna á Fljótsdalshéraði ákvarðast af fræðslunefnd og miðast gjaldskrá við eitt ár í námi. Árgjaldinu er skipt í sex jafnar greiðslur, þrjár fyrir áramót og þrjár eftir áramót, en einnig er hægt að biðja um að fá að greiða þau frekar með tveimur greiðslum.

Innheimtufulltrúi hjá Fljótsdalshéraði sér síðan um að senda reikninga til greiðenda og koma þeir í netbanka.

Athugið að árgjaldið er gjald fyrir aðgang að ársnámi við skólann, en ekki gjald fyrir ákveðinn fjölda kennslutíma. Kostnaður við hvern nemanda felur í sér mun meira en bara kennslutímana sjálfa, svo sem aðstöðu, búnaðar- og efniskostnað, skráningu og utanumhald, tónleikahald og fleira.

Árgjaldið er ennfremur aðeins brot af þeim kostnaði sem fylgir því að kenna hverjum nemanda. Af þessum ástæðum er ekki gefinn afsláttur þegar einstaka kennslutímar falla niður eða þegar nemendur nýta ekki það pláss í skólanum sem tekið hefur verið frá fyrir þá.

Um veikindi hjá kennurum gildir þetta einnig nema ef um lengri tíma eða alvarleg veikindi er að ræða, en þá er yfirleitt fengin afleysing fyrir viðkomandi kennara. Einnig ber ekki að bæta upp tíma sem nemandi verður af vegna eigin veikinda eða annara fjarvista sem eru persónulegs eðlis nema ef um væri að ræða lengri fjarvistir v/veikinda eða annars, þá er hægt að fá niðurfelld gjöld eftir samkomulagi. Ef nemandi er á leið í próf eða er að undirbúa tónleika getur kennari bætt upp tímamissi eftir því sem hann kemur því við með fram annari kennslu. 

Þegar nemendur hætta námi eða minnka við sig nám gilda eftirfarandi reglur um niðurfellingu skólagjalda:
1. Öll skólagjöld fást niðurfelld ef nemandi hættir eða minnkar við sig nám fyrir lok fyrstu kennsluviku.
2. Skólagjöld fást niðurfelld frá og með 2. greiðslu ef nemandi hættir eða minnkar við sig nám fyrir 1. október.
3. Skólagjöld fyrir vorönn fást niðurfelld ef tilkynnt er fyrir lok haustannar að nemandi hyggst hætta námi eða minnka við sig nám.

Gera má undantekningar á þessum reglum ef um alvarleg veikindi hjá nemanda er að ræða eða ef nemandi flytur úr sveitarfélaginu. Einnig ef kennari forfallast í meira en fjórar vikur samfleytt og ekki er hægt að útvega afleysingu.

Hér má sjá gjaldskrá Tónlistarskólans í Fellabæ