Nemendur

Nemendur Tónlistarskólans í Fellabæ skólaárið 2022 - 2023  eru 79.

Ýmist eru nemendur í heilu eða hálfu námi, þá annað hvort á eitt hljóðfæri eða í hálfu námi á tvö hljóðfæri þá 30 mín á sitthvort hljóðfærið, einnig er hægt að velja heilt nám á aðalhljóðfæri og að vera um leið í hálfu námi á aukahljóðfæri. Síðan eru nemendur í tónfræði þar sem það á við og nemendur í klassískum söng fá meðleik. Skólinn leggur áherslu á að þeir sem hafa gert upp hug sinn varðandi hljóðfæraval séu ávallt í heilu námi á það hljóðfæri sem valið er.

Við leggjum ávallt áherslu á að veita nemendum þá þjónustu sem ætlast er til samkv námskrá.

Flestir nemendur koma úr röðum grunnskólanemenda Fellaskóla og sækja þeir nemendur nám sitt á skólatíma. Einnig eru nemendur sem stunda nám við Menntaskólann á Egilsstöðum og sækja þeir sína tíma að loknum skólatíma þar. En tekið skal fram, að ef nemendur eða foreldrar vilja ekki að börn þeirra séu tekin út úr hefðbundnu grunnskólanámi þá er hægt að sækja tíma eftir skóla sé þess óskað. 

Fullorðnir eru velkomnir í Tónlistarskólana á Fljótsdalshéraði en grunn-og menntaskólanemendur að 23.ára aldri sitja þó alltaf fyrir í námi og miðað við núverandi skipulag og kennslukvóta eru aldrei mörg laus pláss. Ef laus pláss eru tökum við nýjum nemendum ávallt fagnandi.

Ef áhugi er fyrir tónlistarnámi við skólann bendum við viðkomandi á að senda okkur póst varðandi það á netfangið tonlistarskoli.fellabaer@mulathing.is