Aðventukvöld í Kirkjuselinu.

Þessi stund var hátíðleg og falleg í alla staði og komu nemendur úr skólanum okkar fram með tónlistaratriði, einnig voru fermingarbörn næsta árs með ljósaþátt og þar áttum við líka nemendur. Nemendur voru skólanum til sóma og sýndu fallega og viðeigandi framkomu.

Það er svo frábært að geta kallað til nemendur þegar beðið er um tónlistaratriði bæði innan skólans og út í bæ, en á þessum tíma sem nú fer í hönd eru margir viðburðir sem tengjast bæði skóla og einnig ekki, þar sem kallað eftir tónlistaratriðum, þá er gott að geta gengið að jákvæðum og fjölhæfum nemendum sem alltaf bregðast vel við.

Nú er undirbúningur fyrir jólatónleikana okkar í fullum gangi og verða þeir miðvikudaginn 11.desember kl:17:30 í sal Fellaskóla og verða nánar auglýstir síðar.