Árshátíð Fellaskóla

Nemendur komu fram á sínum skólastigum bæði sem söngvarar og hljóðfæraleikarar og stóðu þeir sig alveg frábærlega og tónlistarflutningurinn gæddi sýninguna lífi.

Nemendur á yngsta stigi flutti lagið Lari lari ley við undirleik Öystein sem sér um söngkennslu sönghópa á yngsta stigi.

Nemendur á miðstigi fluttu lögin Fallegur dagur og Blindsker sem bæði eru eftir Bubba Morthens og var annað sungið með playback  en nemendur sáu um undirleik í hinu.

Svo voru það rokk smellir á borð við I need a hero, Hungry like a wolf og Highway to hell sem m.a. hljómuðu í leikriti elsta stigs og þar sáu nemendur um undirleik.

Kennarar voru til aðstoðar við tónlistarflutninginn þar sem þess þurfti, en nemendur sáu að mestu leiti um hann allan sjálf og var árshátíðin öll hin glæsilegasta og leikritin skemmtileg og vel flutt.

Síðan endaði árshátíðin á því að allir nemendur Fellaskóla stigu á svið og sungu lagið Ævintýri við undirleik kennara tónlistarskólans, en æfintýri var einmitt þema árshátíðarinnar í ár.

Við óskum nemendum og kennurum á Fellaskólatorfunni allri til hamingju með allan undirbúning og glæsilega árshátíð, alltaf gott og gefandi að taka þátt í þessum viðburði.