Barkinn 2025

Það er alltaf verið að minna okkur á hvað Tónlistarskólarnir eru mikilvægir og hvað þeir skila miklu til samfélagsins og það sást svo greinilega á Barkanum sem fór fram í gærkvöldi í Valaskjálf.

Það er svo frábært að sjá öll þessi ungmenni standa sig svona frábærlega vel í tónlistinni og líka það að sjá um og skipuleggja þennan viðburð ein og sjálf. Kynnarnir fóru á kostum og tvö af skemmtiatriðum kvöldsins voru flutt af sigurvegara síðustu tveggja ára henni Gyðu Árnadóttur sem er nemandi við skólann okkar og gaman að hún fékk pabba sinn til að syngja með sér í tveim söngleikja lögum, en pabbi hennar hann Árni Friðriksson tók einmitt framhaldspróf í söng frá skólanum okkur fyrir nokkrum árum. Einnig var lagið Higher and higher flutt af hljómsveitinni og þar lék Stefanía Þórdís snilldarvel á þverflautu og svo var Þorparinn fluttur og skelltu tveir foreldrar sér á upp á svið og sungu með hlómsveitinni í því lagi.

Kennarar geta svo sannarlega verið stolltir af nemendum sínum, en við áttum nemendur bæði sem keppendur eða sem voru í hljómsveitinni í öllum atriðum sem er afar ánægjulegt og sínir svo ekki verður um villst að kennarar eru að skila sínu til nemenda og nemendur eru að nýta sér þá hæfileika sem þeir hafa.

Við óskum öllum nemendum okkar sem tóku þátt og Ínu Berglindi innilega til hamingju með sigurinn og kennurum innilega til hamingu með nemendur sína sem komu sáu og sigruðu öll á sinn hátt.