Barkinn 2026

Það var hæfileikaríkt ungt fólk sem átti sviðið í gær hvort sem um söngvara, hljóðfæraleikara eða tónskáld var að ræða. Öll umgjörð var til fyrirmyndar og geta þeir sem stóðu að þessu glæsilega kvöldi verið ánægð með kvöldið.

Við í Tónfell erum líka alveg í skýjum með okkar fólk, en nemendur frá okkur voru í miklum meirihluta og stóðu þau sig öll afar vel og voru sér og okkur til miklis sóma. Það er einnig gaman að segja frá því að tveir nemendur við skólanum fluttu frumsamin lög og texta.

Sigurvegari kvöldsins var Stefanía Þórdís sem hefur verið nemandi í skólanum okkar um árabil og var aðalhljóðfærið hennar lengi vel þverflauta og söngur fylgdi þar fast á eftir og núna er hún nemandi í gítarleik hjá Frikka, en hún flutti lagið Sólsetrið, frumsamið lag og texta ásamt hjómsveit og var flutningurinn til fyrirmyndar og er hún  verðugur þátttakandi fyir hönd ME í söngkeppni framhaldsskólanna sem fer fram 11.apríl næstkomandi.

Það má líka taka það fram að þetta er í tíunda skiptið af þessum þrjátíu sem Barkinn hefur verið haldinn sem sigurvegarinn er nemandi í skólanum okkar.

Við óskum öllum okkar nemendum bæði nú-og fyrrverandi til hamingju með frábæra frammsistöðu og kennarar eiga hrós skilið fyrir sína aðkomu en þeirra þáttur er líka stór og má ekki gleymast.