Bubba tónleikar.

Það er skemmst frá því að segja að nemendur stóðu sig með stakri prýði og frábært að sjá þau mastera Bubba, í blönduðum aldurshópum þar sem t.d. voru saman nemendur frá 9-til 16 ára.

Æfingar og undirbúningur hefur staðið yfir frá því í september og því var það gleðilegt þegar loks kom að tónleikunum.

Nemendur koma flestir úr rythmisku söng-og hljóðfæranámi og var það grunnhljómsveit sem lék með í flestum atriðum. Einnig mátti sjá munnhörpu, ukkulele, lágfiðlu, klarinett og þverflautu koma við sögu.

Kærar þakkir fá Bubba aðdáendurnir Einar Árni Jóhannsson og Hugi Guttormsson fyrir fróðleg innlegg um Bubba og nokkur laganna sem flutt voru.

Við þökkum öllum þeim fjölmörgu er mættu til okkar í gær fyrir komuna og vonum að þeir hafi átt ánægjulega stund með okkur í Tónlistarskólanum í Fellabæ.