Dagur Tónlistarskólanna og Dyngju-tónleikar.

Fyrst um morgunin var Öystein með fyrirlestur um tónlist í víðum skilningi fyrir elsta stig grunnskólanema í Fellaskóla og voru nemendur mjög áhugasamir og margar spurningar voru bornar fram.

Fór hann yfir allt frá því hvað væri tónlist og af hverju sumir eru í tónlist en aðrir ekki og allt þar á milli.

Mjög áhugavert og frábært að hafa aðgang af Öystein sem er bæði með háskólamenntun í tónlist og líka áhugamaður og svo er hann að sjálfsögðu kennari við skólann.

Síðan seinna um daginn fór Öystein á Dyngju með nokkra af nemendum sínum og héldu þeir tónleika fyrir heimilsfólk og var gerður góður rómur af. Alltaf gott og gefandi að fara á Dyngju og þjálfar nemendur í því að koma fram fyrir áheyrendur.

Við hér höfum þann háttinn á að við skiptum Dyngjutónleikum niður á kennara og sjá þeir um skipulagningu og umsjón það skiptið sem þeir fara þangað. Stundum sameinast tveir kennarar um það að fara og sjá þá sameiginlega um skipulagið.

Í dag verður svo opið hús hjá okkur, aðallega ætlað nemendum og foreldrum /forráðamönnum þeirra. Þar taka kennarar á móti gestum og kynna starfið og tónlistaratriði munu rúlla í sal á meðan dagskráin setndur yfir.