Dagur Tónlistarskólanna.

Allir nemendur, kennarar og annað starfsfólk Fellaskóla mættu á sal og mynduðu einn góðan hring og svo var talið í og sungnir þrír slagarar.

Það má með sanni segja að söngurinn hafi ómað og allir sungu af hjartans list og þeir Frikki og Máni léku með af alkunnri snilld.

Við þökkum Önnu Birnu skólastjóra Fellaskóla fyrir að blása til þessarar stundar sem lýsir vel okkar frábæra samstarfi sem hér er innan veggja og þau eru alltaf tilbúin að taka þátt og sýna okkur í Tónfell stuðning.

Næstkomandi miðvikudag kl:17:30 verða klassískir tónleikar í Egilsstaðkirkju af tilefni Dags Tónlistarskólanna og eru það lengra komnir nemendur sem koma þar fram. Það eru allir hjartanlega velkomnir á tónleikana.