Tónleikafélag Austurlands.

Það var sannkölluð 80´s veisla sem var í Valaskjálf á laugardagskvöldið og troðfullt hús og frábær stemning.

Tónleikafélag Austurlands hefur staðið fyrir tónleikum frá árinu 2017 til styrktar geðheilbrigðismálum.

Hljómsveitin er skipuð miklum reynsluboltum sem flestir hafa verið með frá upphafi og voru nú-og fyrrverandi kennarar skólans okkar í lykilhlutverkum sem og fyrrverandi nemendur.

Stebbi Jak söngvari hefur verið með frá upphafi en á laugardaginn mætti einnig á sviðið söngkonan Stefanía Svavars og voru þau frábær og tónleikarnir voru allir hinir glæsilegustu.

Kvöldið opnaði hin frábæra hljómsveit Townies sem er skipuð nemendum í TME tónlistarfélagi Menntaskólans á Egilsstöðum og áttum við þar nú-og fyrrverandi nemendur sem stóðu sig afar vel.

Við óskum öllu okkar fólki sem steig á sviðið á laugardaginn innilega til hamingju með þessa glæsilegu tónleika og gleðjumst yfir því að þau nýti krafta sína til tónleikhalds á borð við þeirra er þarna fóru fram.