Árshátíð Fellaskóla 2022

Eins og hefðin segir okkur átti Tónlistarskólinn í Fellabæ stóran þátt í sýningunni og léku bæði yngri sem og eldri nemendur undir í atriðum.

Árshátíðinn er samvinnuverkefni þessara tveggja skóla sem lifa saman í sátt og samlyndi undir sama þaki í Fellabænum og þó þröngt sé þá er alveg ótrúlegt hvað hægt er að gera og hvað nemendur eru að standa sig frábærlega.

Öystein Magnús Gjerde var yfir hljómsveitarstjóri og var tengillinn við Fellaskóla en aðrir kennarar komu að því að æfa nemendur í sinni tónsköpun.

Við þökkum Jóni Arngríms fyrir allt dótið sem hann kom með til að allt hljóð kæmist nú vel til skila og einnig átti hann ljósin sem notuð voru.

Það er gott að fara í páskafrí með svona reynslu og svo höldum við áfram í tónsköpuninni að því loknu og er fyrsti kennsludagur þriðjudagurinn 19.apríl.

Krakkarnir stóðu sig öll frábærlega og fólk skemmti sér konunglega og þessi stund fer í reynslubankann þeirra og líka voru yngstu bekkirnir að stíga sín fyrstu skerf í árshátíðarundirbúningi þar sem ekki hefur verið haldin  árshátíð með pomp og prakt síðan 2019.