Hvar er krossinn?

Það var mikið um að vera í Egilsstaðakirkju um helgina og má segja að það hafi ekki allt verið með hefðbundnu sniði.

Settur var upp söngleikurinn Hvar er krossinn og var öll umsjón og stjórnun í höndum organistans Sándors Kerekes. Þetta var lokaviðburðurinn í tengslum við fimmtíu ára afmæli kirkjunnar og komu margir að verkefninu m.a nemendur og kennarar Tónlistarskólanna, nokkrar af Héraðsdætrum en að mestu voru það félagar kirkju-og kammerkórs Egilsstaðakirkju sem sáu um söng og leik. Hljómsveit lék undir sönginn en fjölbreitt lagaval var sniðið inn í söngleikinn sem spannaði þau fimmtíu ár sem kirkjan hefur verið í notkun.

Nemendur okkar stóðu sig með glæsibrag og við óskum þeim og einnig kennurum sem bæði sungu sóló og léku með hljómsveitinni og öllum öðrum sem komu að verkefninu, og þá ekki síst Sándor sem sá um mest allan undirbúning og leikstjórn, innilega til hamingju með stórglæsilega sýningu.