Hvernig verður starfsemin í Tónfell eftir 4.maí.

Kennsla í Tónfell hefst mánudaginn 4.maí samkvæmt fyrri stundaskrám og munu allir nemendur mæta til sinna kennara og verður starfsemin með þessum hætti út skólaárið þ.e.a.s. ef engin smit koma upp.

Áfram verður ítrasta hreinlætis gætt og hljóðfæri hreinsuð á milli nemenda þar sem það á við og 2m reglan verður áfram í gildi hjá kennurum og beinum við því líka til nemenda að virða hana ef þannig háttar.

Þar sem fjöldatakmarkanir munu miðast við 50 manns og 2m reglan er einnig áfram í gildi verða ekki  tónleikar og skólaslit með hefðbundnum hætti og foreldrar eru beðnir að virða það sem og heimsóknar takmarkanir inn í skólann. Við munum senda út nánari fréttir af útfærslum tón-leika/funda og skólaslita þegar fundið hefur verið út úr því.

Áætlað er að samræmt miðpróf í tónfræði fari fram annað hvort 14 eða 19. maí og einnig munu nemendur er eiga að taka stigspróf taka þau nú í maí. Áfangaprófum er frestað til hausts.

Við hlökkum mjög til að hitta loksins alla okkar nemendur en minnum á að við verðum áfram að passa okkur og muna að þvo hendur áður en komið er í tónlistartíma.