Jólatónleikar.

Það var gaman að sjá hvað nemendur stóðu sig vel í gær á tónleikunum og öll framkoma til fyrirmyndar og allir í hátíðarskapi.

Nemendur voru búnir að undirbúa fljölbreitt atriði, en einungis voru það samspils-og samsöngsatriði eins og hefð er fyrir á jólatónleikunum okkar.

Það voru ljúf jólalög úr ýmsum áttum sem ómuðu um salinn flutt af nemendum af öllum aldursskeiðum á allskonar hjóðfæri og það var afar gaman að sjá fjölbreitnina.

Það er óhætt að segja að yngstu nemendurnir hafi komið séð og sigrað með flutningi sínum að hinu sígilda íslenska jólalagi Það á að gefa börnum brauð. Það voru nemendur í þriðja bekk sem fluttu og þar mátti heyra í píanói, fiðlu, klukkuspili, klarinetti, harmoniku, tamborinu, þríhorni og trommu og þau stóðu sig öll með stakri prýði.

Sönghópur af yngsta stigi flutti lagið Snjókorn falla og fullorðnir söngnemendur sungu tvö kórlög, Hátíð fer að höndum ein og Klukkur um jól.

Í lokaatriðinu sameinuðust svo bæði nemendur og kennarar og fluttu saman lagið Ég fæ jólagjöf.

Við óskum öllum nemendum okkar og kennurum þeirra til hamingju með velheppnaða tónleika og góðan undirbúning.

Við þökkum líka öllum þeim fjölmörgu sem lögðu leið sína til okkar kærlega fyrir komuna.

Nú fara í hönd síðustu dagar þessa árs og er síðasti kennsludagurinn hjá okkur 17.desember.

Við óskum öllum okkar nemendum og foreldrum gleðilegra jóla og farsældar á komandi ári.