Jólin nálgast.

Það eru kennarar í Tónlistarskólanum sem sjá um undirleik og svo syngja nemendur og starfsfólk Fellaskóla jólalög eins og þeim einum er lagið. 

17.desember er síðasti föstudagur fyrir jólafrí og þá verða Litlu jólin haldin hátíðleg í Fellaskóla og verður dansað í kring um jólatréð og mun það verða stigskipt vegna sóttvarnarreglna og eins og áður eru það kennarar tónlistarskólans sem sjá um undirleik og að leiða sönginn.

Það er mikil óvissa með jólatónleikana okkar og ljóst er að þeir geta ekki farið fram með eðlilegum hætti þó svo að við höfum vonast eftir því. Við munum því hafa ýmsan hátt í skipulagningunni til að reyna að gera eitthvað með nemendum og helst að geta boðið foreldrum líka en þetta er allt óljóst en mun skýrast á næstu dögum. 

Síðasta fimmtudag vorum við með opna æfingu á sal þar sem nemendur spiluðu og sungu jólatónlist fyrir miðstig og hluta yngsta stigs Fellaskóla, en vegna sóttvarnarreglna þá er ekki hægt að bjóða öllum nemendum í einu.

Þannig að við undirbúum nemendur með stefnu á einhvers konar tónleika hvort sem við verðum öll saman eða hver og einn með sinn nemendahóp.