Klassískir tónleikar.

Klassíska tímabilið í tónlistarsögunni nær frá 1750 - ca 1830 og þá voru nokkur af frægustu tónskáldunum sem við þekkjum í dag uppi. 

En þegar talað er um klassískt þá erum við ekki eingöngu að miða við það tímabil heldur vorum við að leggja áherslu á einleikshljóðfæri t.d. þverflautur, klarinett, fiðlur, píanó og svo söng sem fengu að njóta sín á þessum tónleikum.

Einnig læddumst við aðeins inn í nútímann og heyrðum Maple leaf Rag eftir ragtime meistarann Scott Joplin og Waiting for the morning með popp sveitinni Bobbysocks, þannig að það var ekki allt háklassískt, en hvað er klassík?

En flest af tónlistinni sem flutt var var eftir þá félaga Mozart og Beethoven sem voru stjörnur klassíska tímabilsins sem áður var minnst á, einnig voru lög eftir Gabríel Fauré, Burgmuller, Mendelssohn og Jón Þórarinsson svo eitthvað sé nefnt. 

Frábærir tónleikar þar sem nemendur fluttu sín verk af stakri prýði og eiga kennnarar og meðleikarar hrós skilið fyrir frammistöðu þeirra.

Kennarar sem höfðu umsjón með tónleikunum eru Berglind, Drífa, Hlín, Mairi og Suncana og undirleikur með nemendum var í höndum þeirra Sándors og Suncönu.