Ljóðatónleikar.

Það er vel við hæfi að halda slíka tónleika 1.desember en hann er einmitt dagur Íslenskrar tónlistar.

Hlín Pétursdóttir Behrens kennir söng bæði við Tónlistarskólann í Fellabæ-og á Egilsstöðum, og það voru bæði núverandi og fyrrum nemendur hennar sem komu fram ásamt undirleikurunum Sándor Kerekes og Öndu Steinu.

Á efnisskránni voru eingöngu íslensk lög við texta eftir íslenska höfunda.

Öll skipulagning var í höndum Hlínar og var þetta notaleg stund þar sem heyra mátti bæði dramatísk og angurvær lög í bland við gáskafullari og glettin lög.

Kannski eru þessir tónleikar komnir til að vera á þessum merka degi Íslandssögunnar og væri það vel við hæfi.