Lokaverkefni frá ME.

Gyða er nemandi hjá Margréti Láru og einnig var hún í námi hjá Öystein Gjerde um árabil og er búin að vera iðin í tónlistinni, bæði að spila, syngja og að semja sína eigin tónlist.

Má nefna að hún hefur tekið þátt í Nótunni, Upptaktinum og Barkanum svo eitthvað sé nefnt og verið sigurverari oftar en einu sinni á öllum þeim viðburðum sem þarna eru nefndir.

Tónleikarnir hennar á sunnudaginn voru helgaðir söngleikjum sem hafa verið á hennar áhugasviði lengi og brá hún sér í nokkur hlutverk og það er gaman að geta þess að mamma hennar söng með henni í nokkrum lögum.

Það er óhætt að segja að Gyða er afar skapandi þegar kemur að tónlistarsviðinu og við vonum innilega að við munum sjá henni bregða fyrir næstu árin og hvetjum hana til dáða.

Við óskum henni innilega til hamingju með tónleikana og útskriftina og óskum henni velfarnaðar í öllu því sem hún tekur sér fyrir hendur og framtíðin er björt.