Nemendur á ferð og flugi.

Á föstudagskvöldið héldu tveir nemendur ME þau Krista Þöll Snæbjörnsdóttir og Aron Már Leifsson ásamt hljómsveit tónleika þar sem flutt voru lög hinnar  mögnuðu hljómsveitar Pink Floyd.

Þetta var útskriftarverkefnið þeirra og er skemmst frá því að segja að þetta voru afar vel heppnaðir tónleikar, þar sem allir sem komu að stóðu sig með stakri prýði og þetta er ekki einfaldasta tónlist í heimi sem þarna var flutt.

Krista Þöll er nemandi við skólann okkar hjá Margréti Láru söngkennara, og óskum við þeim innilega til hamingju með frábæra frammistöðu og útskriftarverkefnið.

Einnig voru tveir kennarar við skólann okkar í hljómsveitinni þau Friðrik Jónsson og Elísabet Arna Gunnlaugsdóttir sem er einnig fyrrverandi nemandi hjá okkur.