Tónlistarnemendur komu víða fram um nýliðna helgi.

Jóna Þyrí er nemandi í 10.bekk Fellaskóla og er í tónlistarnámi í Tónlistarskólanum í Fellabæ.

Við óskum henni innilega til hamingju með glæsilega frammistöðu en hún flutti lagið Black Velvet og mun fyrir hönd Félasmiðstöðvarinnar Nýungar taka þátt í Samfés sem haldin verður í Reykjavík 3.maí næstkomandi og sendum henni stuðningskveðjur.

Einnig komu nemendur og fyrrverandi nemendur og kennarar fram í öðrum viðburðum sem fram fóru um helgina.

Kvennakórinn Héraðsdætur hélt skemmtikvöld í Valakjálf á föstudagskvöldið og í honum eigum við söngnemendur og hljómsveitin var skipuð þeim, Frikka sem er kennari við skólann, Hafþóri Val sem kenndi við skólann okkar um árabil og Pálma sem var nemandi hjá okkur á sínum yngri árum.

Vasele Babe stórkostlegi kjellinga kórinn hennar mögnuðu Suncönu Slamnig sem er kennari hjá okkur hélt tónleika í Tehúsinu á laugardaginn og voru þetta hreint út sagt frábærlega skemmtilegir tónleikar. Í kórnum eru nokkrar af söngnemendum okkar  og í hljómsveitinni voru nokkrir úr kennaraliði skólans þau Berglind, Mairi og Máni, einnig syngur Berglind með þegar hún þarf ekki að spila.

Ívar Andri Klausen sem var nemandi Öystein Gjerde fyrir nokkrum árum hélt tónleika í Tehúsinu á laugardagskvöldið þar sem hann lék lög af væntanlegri plötu sem er í smíðum hjá honum og fær hann nokkra af okkar allra bestu íslensku hljóðfæraleikurum til að leika með sér á plötuna en hann var einn síns liðs á Tehúsinu , reyndar ásamt Casio MT85. Dásamleg tónlist sem hann semur, spilar á gítar í og síðast en ekki síst þá syngur hann öll lögin líka og ég mæli með að allir kaupi sér þessa plötu þegar hún kemur út.

Helginni var svo lokað með Gospel Messu í Egilsstaðakirkju á sunnudagskvöldinu og var hún í stjórn organistans Sándor Kerekas og þar voru söng nemendur bæði sem einsöngvarar og líka í kórnum.

Það er ekkert gleðilegra en þegar nemendur eru að brillera og koma fram á hinum ýmsu viðburðum sem haldnir eru og óskum við þeim öllum og kennurum til hamingju með helgina sem var sko sannarlega viðburðarrík í tónlistarlífunu hjá okkur hér á svæðinu.