Nótan 2026

Tónlistarskólinn í Fellabæ, Tónlistarskólinn í Brúarási, Tónlistarskólinn á Vopnafirði ásamt Tónlistarskólanum á Egilsstöðum sáu um undirbúning og skipulagsvinnu í þetta sinn, en henni er skipt á milli skóla ár hvert.

Atriði voru frá Tónlistarskólanum í Fellabæ, Egilsstöðum, Seyðisfirði, Fjarðabyggð og Tónskóla Hornafjarðar  og voru þau hvert öðru glæsilegra og voru flytjendur á öllum aldri og sá yngsti var átta ára. 

Dagskráin var fjölbreytt og skemmtileg og mátti heyra háklassíska tóna  frá m.a. Beethoven og eðal rokk sem hljómsveitin Iron Maiden gerði gott á sínum tíma og allt þar á milli.

Nemendur stóðu sig allir afar vel og voru greinilega búnir að undirbúa atriðin sín vel og við óskum okkar nemendum fyrir frábæra frammistöðu og kennurum þeirra fyrir góðan undirbúning.

Einnig þökkum við Baldvini á Vopnafirði fyrir að taka svona líka vel á móti okkur og Sóley á Egilsstöðum fyrir undirbúningsvinnu og öllum öðrum sem komu að og gestum sem mættu á tónleikana þökkum við að sjálfsögðu fyrir komuna.

Við hlökkum til næstu Nótu tónleika sem verða að ári og er stefnan sett á Hornafjörð.