Skólaslit.

Skólaslit marka lok skólastarfsins ár hvert og er þetta í raun kveðjustund þar sem nemendur fá umsagnir frá kennurum sínum um framvindu í tónlistarnáminu á skólaárinu.

Fjórir nemendur tóku stigspróf á hljóðfæri og fimm nemendur tóku áfangapróf í söng-og hljóðfæraleik, einn nemandi tók miðpróf í tónfræði, þrír nemendur luku grunnprófi í tónfræði og þrír nemendur luku fyrsta áfanga grunnprófs í tónfræði. Óskum við þeim öllum innilega til hamingju með prófin sín.

Við erum svo lánsöm að vera í sama húsnæði og Fellaskóli og vinna náið með starfsfólkinu þar og þökkum við þeim öllum fyrir ómetanlegt samstarf.

Úr ræðu skólastjóra á skólaslitum.

Ef engir nemendur væru þá væri engin tónlistarskóli og án allra okkar góðu kennara væru engir nemendur og ekki heldur tónlistarskóli. Við erum afar lánsöm að hafa tónlistarskóla við dyrnar hjá okkur og geta boðið upp á tónlistarnám innan veggja grunnskólans og einnig að geta boðið nemendum ME og fullorðnum nemendum upp á tónlistarnám. Þetta er ekki sjálfgefið og við ætlum að standa vörð um að þetta verði svona áfram og leggja áherslu á að húsnæðið hér á Fellabæjartorfunni verið bætt og byggt við eins og er á áætlunum sem alltaf fara aftast í aðgerðarbunkann. En við munum hlúa að því sem við höfum og standa vörð um það.

Við þökkum öllum okkar nemendum og foreldrum fyrir veturinn og hafið það sem best i sumar og við hittumst svo aftur í haust þegar við komum aftur hér saman tónlistinni til heilla.

 Á meðfylgjandi mynd má sjá áfangaprófsnemendur og kennara þeirra ásamt undirleikurum.