Skólaslit 2026

Fjölmenni mætti og var ánægjulegt að sjá hve margir nemendur sáu sér fært að koma og taka við umsögnum frá kennurum sínum.

81 nemandi hóf nám við skólann síðasta haust og er það svipaður fjöldi og verið hefur og er aldursskiptingin breið og skemmtileg en grunnskóla nemendur eiga þó vinninginn eins og alltaf um 70% af heildarnemendafjölda.

Kennarar við skólann í vetur voru 13 talsins og þar eru talin með meðleikarar söngnemenda og skólastjóri þannig að flóran hjá okkur er fjölbreitt og skemmtileg og þetta er þörfin til að koma á móts við vilja nemenda um nám.

Níu nemendur tóku stigspróf í vor, þar af voru fjórir nemendur sem tóku áfangapróf, tveir nemendur tóku grunnpróf í píanóleik, einn nemandi tók grunnpróf í þverflautuleik og einn nemandi lauk miðprófi í einsöng, hinir sem tóku stigspróf tóku innan hús próf sem er tröppugangur í áttina að áfangaprófunum. Við óskum þeim öllum innilega til hamingju með prófin sín.

það eru forréttindi að hafa tónlistarskóla við dyrnar hjá sér og mikilvægi þess að tónlistarskólar séu nátengdir grunnskólunum er afar mikilvægt vegna fjölda nemenda sem koma þaðan og vilja stunda sitt tónlistarnám á skólatíma og með góðum skilningi starfsfólks grunnskólanna gengur þetta samstarf vel. Fullorðnum nemendum fjölgar jafn og þétt og fögnum við þeim í skólanum okkar og eykur það fjölbreitnina eins og áður hefur komið fram.

Við þökkum öllum þeim sem stunda nám við skólann okkar fyrir það, foreldrum fyrir að styðja börn sín til tónlistarnáms því án nemenda væri engin tónlistarskóli og engin tónlistarskóli væri heldur án kennara og þökkum við þeim fyrir sitt góða og gefandi starf.

Nú hefur þetta skólaár runnið sitt skeið og við tekur sumarfrí, en við hlökkum til að hitta nemendur aftur að því loknu í haust en fyrsti kennsludagur að loknu sumarfríi er 31.ágúst sem er mánudagur.

Ljóðið, Máttur söngsins segir margt um það hvað tónlist hefur góð áhrif á alla, hvort heldur þú ert hljóðfæraleikari, söngvari eða áheyrandi.

Söngurinn göfgar og glæðir, guðlegan neista í sál, lyftir oss hærra í hæðir, helgar vort bænamál.

Sameinar ólíka anda, eykur kærleikans mátt, bægir frá böli og vanda, bendir í sólarátt.