Skólaslit vorið 2024

Vortónleikar og skólaslit voru í gær og var þetta eins og alltaf mikil gleðistund með örlítilli eftirsjá þó, þar sem það er alltaf einhver eftirvænting sem ríkir á skólaslitum.

Við ákváðum í þetta skiptið að hafa bæði tónleika og skólaslit sama daginn og byrjuðum við á að vera með tónleika svona í klassískri kantinum og síðan komu skólaslit og svo enduðum við á rythmiskum hljómsveitum.

Nemendur voru á öllum aldri frá fyrsta bekk og upp úr og lagavalið fjölbreytt eftir því, en það voru eingöngu hópatriði að þessu sinni og stóðu allir nemendur sig frábærlega eins og við áttum auðvitað von á.

Veturinn hefur verið ánægjulegur eins og endranær og þökkum við öllum nemendum okkar kærlega fyrir samstarfið í vetur einnig þökkum við öllum foreldrum fyrir gott samstarf og komuna til okkar í gær og þeim sem hjálpuðu okkur við frágang sérstaklega vel.

Án nemenda væri ekkert skólastarf og því ber að þakka það sérstaklega að nemendur velji að læra tónlist í skólanum okkar og án kennara væri engin kennsla og því ber líka að þakka þeim frábæru kennurum sem við höfum fyrir að velja skólann sem vinnustað.

Samvinna er öllum mikilvæg og samstarfið við Fellaskóla er okkur afar mikilvægt og þökkum við öllu því frábæra starfsfólki þar fyrir samstarfið, einnig í lok skólaársins ber að þakka fræðslustjóra fyrir gott samstarf og skylning og fjölskylduráði fyrir góð samskipti.

Ég vona að sumarið verði ykkur öllum gott og við hlökkum til komandi skólaárs og förum út í sumarið með sól í hjarta.