Söngkeppni Samfés.

Söngkeppni Samfés fór fram í beinni útsetningu á RÚV  þar sem 30 af bestu söngatriðum félagsmiðstöðva landsins komu fram á stóra sviðinu.

Það er skemmst frá því að segja að nemandi í skólanum okkar hún Ína Berglind Guðmundsdóttir kom sá og sigraði keppnina að þessu sinni og var sigurinn verðskuldaður.

Ína Berglind söng eigið lag og texta Tilgangslausar setningar en Ína hefur samið fjölmörg lög og komið fram á hinum ýmsu tónlistartengdu viðburðum. Einnig spilaði Ína Berglind sjálf undir á gítar.

Hún er og hefur verið nemandi Öystein Gjerde um árabil í Tónlistarskólanum í Fellabæ og er einnig nemandi Margrétar Láru Þórarinsdóttur í Tónlistarskólanum á Egilsstöðum.

Við óskum henni hjartanlega til hamingju með sigurinn.