Tónleikar á Bókakaffi.

Það gerði einmitt nemandi við skólann hún Ína Berglind Guðmundsdóttir. En hún tók sig til og undirbjó og skipulagði tónleika í fullri lengd og hélt þá á Bókakaffi síðastliðið þriðjudagskvöld. Hún lauk grunnprófi í rythmiskum söng nú í vor og er þetta frábær endir á góðu skólaári.

Hún fékk kennarann sinn til margra ára hann Öystein Magnús Gjerde til liðs við sig og saman héldu þau dásamlega tónleika með tónlist úr ýmsum áttum og þau fluttu líka frumasamin lög eftir Ínu sem hver tónlistarmaður gæti verið stoltur af.

Við óskum Ínu Berglindi innilega til hamingju með þetta framtak og vitum að þetta er bara byrjunin hjá henni, en hún er reyndar fyrir lögnu byrjuð að koma fram og óskum við henni alls hins besta í framtíðinni á tónlistarbrautinni.

Það er gaman að segja frá því að Gréta vert á Bókakaffi var kennari í skólanum okkar til margra ára og það vill svo skemmtilega til að hún kenndi bæði Öystein og Ínu Berglindi, og þau luku tónleikunum með því að fá hana upp á senu til sín og enduðu tónleikana á að flytja lagið Svarthvíta hetjan mín sem er einmitt eftir Grétu og hjómsveitin Dúkkulísurnar gerðu frægt.