Tónleikar.

Flutt var íslensk tónlist frá níunda og tíunda áratugunum þar sem hver hljómsveitin af annarri leit dagsins ljós og ballmenning var í hávegum höfð, þannig að það var ekkert verið að ráðast á garðinn þar sem hann var lægstur.

Nefna má lög eins og Stórir hringir með Írafár, Svört sól með Sóldögg og Funheitur með Sálinni hans Jóns míns svo eitthvað sé nefnt.

Nemendur stóðu stig mjög vel og allir gerðu sitt besta og við kennarar getum verið afar stolt af okkar fólki sem kom sá og sigraði.

Að mestu leiti var undirbúningur í höndum þeirra Mána og Frikka sem sáu um allar samæfingar og þeir eiga hrós skilið fyrir góðan undirbúning.

Aðrir kennarar sem komu að undirbúningi og æfingum nemenda eru Hrafnhildur Margrét, Hlín, Drífa, Wes og Öystein og óskum við þeim öllum til hamingju með sitt fólk.

Við þökkum öllum þeim fjölmörgu sem lögðu leið sína til okkar í gær hjartanlega fyrir komuna og sérstakar þakkir fá þeir sem hjálpuðu okkur við að taka saman eftir tónleikana, bæði foreldrar og nemendur.