Tónleikar hjá TME

Mikill metnaður var hjá nemendum og greinilegt að nemendur lögðu sig alla fram sem sjá og heyra mátti á stemningunni í salnum sem var frábær frá upphafi til enda.

Fjölmargir nemendur komu að tónleikunum bæði sem hljóðfæraleikarar og söngvarar og meira að segja komu nokkrir af kennurum skólans fram sem söngvarar. 

Af þeim fjölmörgu nemendum sem fram komu voru átta nemendur sem stunda nám við Tónlistarskólann í Fellabæ og erum við afar stolt af frammistöðu þeirra þar sem þau stóðu sig afar vel bæði í söng og hljóðfæraleik. Einnig óskum við viðkomandi kennurum til hamingju með nemendur sína.

Stjórn og formaður TME eiga hrós skilið fyrir þessa framkvæmd alla og það að leyfa öllum sem það vilja að vera með því það eflir nemendur og þjálfar þá í að koma fram og styrkir tónlistarlífið.

Innilega til hamingju með tónleikana ykkar TME.

Á myndinni sem fylgir þessari frétt má sjá nokkra af nú-og fyrrverandi nemendum skólans.