Tónleikar í gær.

Fyrst skal telja nemendatónleika sem fóru fram í Fellaskóla og voru það nemendur á ýmsum stigum er komu fram og léku á hin ýmsu hljóðfæri og eins ómaði líka söngur.

Síðan í gærkvöldi voru tónleikar í Egilsstaðakirkju, en það var samstarfsverkefni Tónlistarskólanna í Fellabæ og á Egilsstöðum.

Fram komu söngnemendur Hlínar Pétursdóttur Beherns, nemendur í píanóleik og einnig voru gestasöngvarar úr röðum kennara með í hópnum.

Flutt var tónlist tengd föstu og einnig hluti passíusálmanna.

Einnig er gaman að segja frá því að Barkinn söngkeppni ME fór líka fram í gærkvöldi og þar áttum við bæði fyrr-og núverandi nemendur,  söngvara og hljóðfæraleikara. Ég vil óska þeim til hamingju með frábæra skemmtun og gaman að sjá hversu margir hæfileikaríkir nemendur eru hér á staðnum og ekki síður það að geta haft eigin hljómsveit sem er frábært og ekki sjálfgefið. Það er líka gleðiefni fyrir okkur að sigurvegarinn Emilía Anna Óttarsdóttir er nemandi Tónfell og óskum við henni innilega til hamingju.