Tónlistarstund

Það var Torvald Gjerde fyrrum organisti og tónlistarkennari hjá okkur í Tónfell sem byrjaði að hafa tónlistarstundir í Egilsstaða-og Vallaneskirkju yfir sumartímann, aðallega í júní og fékk hann bæði tónlistarfólk af svæðinu og utan að komandi til að koma fram.

Nú hefur Hlín Pétursdóttir Behrens tónlistarkennari tekið að sér umsjón með tónlistarstundunum og var fyrsta tónlistarstund þessa sumars síðastliðinn sunnudag.

Þar komu fram lengra komnir nemendur í Tónlistarskólunum í Fellabæ-og Egilsstöðum bæði á hjóðfæri en aðallega voru það söngnemendur sem áttu stundina.

Við þökkum Hlín fyrir að bjóða nemendum að taka þátt því það eflir þá í framkomu og sýnir að við eigum vel frambærilegt tónlistarfólk hér á svæðinu.

Á meðfylgjandi mynd má sjá nemendur, undirleikara og kennara.