Uppskeruhátíðir 2021

Miðvikudaginn 12.maí fóru vortónleikar skólans fram, fjölbreyttir og skemmtilegir sem fyrr og voru þeir að þessu sinni tveir.

Á þeim fyrri var aðallega um píanóleik að ræða en þó læddu önnur hljóðfæri sér með og einnig nokkrir söngvarar. 

Á þeim síðari komu fram nemendur í blásara-og strengja deild, söng-og rithmisku námi og mátti sjá fjölbreytt samspil.

Þetta er í fyrsta sinn síðan í febrúar 2020 sem við gátum boðið gestum á tónleika og var það gleðilegt þar sem fjölmenni var mætt og góð stemning skapaðist. 

Einnig má taka fram að 28.apríl síðastliðin voru nemendur Øystein Gjerde í rithmisku söngnámi með tónleika í Egilsstaðakirkju.

Ekki er hefð fyrir því að við höldum tónleikana okkar í Egilsstaðakirkju en það var gert til þess að geta boðið til okkar gestum þar sem það  er ekki hægt í Fellaskóla vegna sóttvarnar reglna.

Til gamans má geta þess að fyrr í vetur voru haldnir tónleikar í Fellaskóla án gesta. Var þar um að ræða rithmiska tónleika 10.febrúar og blandaða tónleika 24.mars þar sem nemendur úr ýmsum deildum stigu á stokk.

Einnig komu nemendur Hlínar Pétursdóttur Behrens í klassískum söng fram á tónleikum í Egilsstaðakirkju ásamt nemendum hennar í Tónlistarskólanum á Egilsstöðum 24.mars tengda föstu og sungu m.a. hluta passíusálma og fleiri lög tengd föstu.

Hluti nemenda Hlínar héldu síðan Hrekkjvökutónleika í Tehúsinu og menningarmiðstöðinni á Eskifirði 14 og 15.mars þar sem flutt voru lög m.a. úr ýmsum söngleikjum, þjóðlög og fleira.

Þannig að það má sjá að við höfum haft í ýmsu að snúast á tónlistarsviðinu þrátt fyrir covid og fögnum við því að sjálfsögðu að hafa getað það og vera sýnileg almenningi.