Upptakturinn 2025

Upptakturinn er tónsmiðja fyrir ungmenni 13.ára og yngri þar sem þau fá tækifæri að semja og skapa sína eigin tónlist undir handleiðslu eldri og reyndari tónlistarmanna og að þessu sinni voru það þau Jón Hilmar, Bella Podpadec Salóme Katrín sem voru innan handar.

Með þátttöku eiga ungmennin kost á að vera valin með sitt verk til að koma fram á Upptaktinum sem fer fram í Reykjavík 11.apríl næstkomandi.

Það er okkur gleðiefni að tilkynna að nemandi við skólann okkar var valin að þessu sinni til að fara með lagið sitt og vinna það áfram, fyrst í smiðjum á netinu og svo í smiðjum í Reykjavík, en það eru fullorðnir tónlistarmenn sem leiðbeina og flytja svo lagið þegar búið er að vinna það í endanlegt form 11.apríl næstkomandi.

Þórhildur Ingunn Pétursdóttir 12.ára nemandi í Fellaskóla í Fellabæ  og hún er einnig nemandi Margrétar Láru var valin með lagið sitt Fearless en það voru 13 tillögur sem sendar voru héðan að austan sem er frábært.

Óskum við henni innilega til hamingju með þennan áfanga.