Vortónleikar.

Tónleikarnir voru með hefðbundnu sniði þar sem eingöngu er um að ræða samspil og samsöng.

Atriðin voru afar fjölbreytt og glæsileg og má m.a. nefna að fram kom blokkflautusveit sem í var sópran-alt-og bassaflauta, bjöllukór, munnhörpuleikur, kór skipaður söngnemendum í klassískum söng, strengja-og blásturhljóðfæra samspil og rokkhljómsveitir svo eitthvað sé nefnt

Nemendur í 10.bekk Fellaskóla sem eru í tónlistarnámi æfðu saman eitt atriði, en þetta eru síðustu vortónleikarnir þeirra sem nemendur í grunnskóla og það er alltaf erfitt að sjá á eftir áhugasömum og efnilegum nemendum, en flest munu þau þó öll halda áfram í tónlistarnámi eða vonandi að sinna tónlistinni á einhvern hátt.

Kennarar geta verið stoltir af glæsilegum nemendum og vel völdum atriðum og nemendur geta svo sannarlega verið ánægðir með vetrarstarfið sitt í tónlistinni.

Á myndinni sem fylgir þessari frétt má sjá 10.bekk flytja atriðið sitt.