Fréttir

Kennsla í Tónlistarskólanum í Fellabæ hefst mánudginn 31. ágúst. Við minnum alla sem ekki eru búnir að sækja um en hyggja á nám í skólanumað gera það sem fyrst með því að send póst á drifa@fell.is. það er að fyllast á sum hljóðfæri en þá eru kannski önnur sem áhugi væri fyrir ef það rétta er ekki í boði.

Mánudaginn 11. maí kl:18:00 verða nemendur í píanóleik með tónleika í Egilsstaðakirkju. Efnisskrá er fjölbreytt og það eru allir velkomnir og aðgangur er ókeypis. Miðvikudaginn 13. maí kl:18:00 verða Vortónleikar skólans haldnir í sal Fellaskóla. Þar verða samspil stór og smá sem og samsöngur. Flest allir hljóðfæraflokkar verða sýnilegir og alls konar samsuða verður í gangi. Það eru allir velkomnir og aðgangur er ókeypis. Vonandi sjá sem flestir sér fært að koma og fylgjast með framvindu hjá nemendum í lok þessa skólaárs.

Næstkomandi fimmtudag kl:18:00 verða haldir sameiginlegir tónleikar tónlistarskólanna í Brúarási. Þar verða atriði frá öllum tónlistarskólum Fljótsdalshéraðs, þ.e. Egilsstöðum, Brúarási og Fellabæ. Það verður fjölbreitt dagskrá og það eru allir velkomnir og aðgangur er ókeypis.

Mánudaginn 9. mars kl:18:00 verða tónleikar með lögum Bubba Morthens í sal Fellaskóla. Það eru nemendur úr öllum deildum skólans sem flytja lög Bubba í litlum og stórum hópum. Það eru allir velkomnir og aðgangur er ókeypis.

20. ára afmæli Tónlistarskólans í Fellabæ var haldið hátíðlegt síðastl laugardag. Margir gestir voru mættir og sumir langt að komnir til að fagna með okkur. Leif Kristján Gjerde og Helga Sjöfn Hrólfsdóttir bæði fyrrverandi nemendur og síðar kennarar við skólann komu og spiluðu fyrir okkur. Þórunn Gréta Sigurðardóttir fyrrverandi nemandi koma og sýndi tón-vídeó verk eftir sig og Kristínu Örnu systir sína. Laufey Egilsdóttir kom ásamt Gulla Sæbjörns og þau reifuðu tilurð skólans en bæði voru þau hvatamenn að stofnun hans ásamt fleirum. Svo spiluðu nokkrir af núverandi nemendum skólans og Ásta Evlalía koma og söng eitt lag fyrir okkur. Síðast en ekki síst mætti Ármann Einarsson fyrrverandi skólastjóri skólans, en hann mótaði skólann og skólinn starfar eftir þeirri stefnu í dag ásamt því að sjálfsögðu að fylgja lögum og reglum aðalnámskrár tónlistarskóla. Við þökkum öllum þeim er komu og voru með okkur á laugardaginn fyrir komuna og stuðninginn í gegnum árin. Það eru komnar myndir frá tónleikunum hér á heimasíðuna okkar undir flipanum, myndir.

Minnum á afmælisfagnaðinn okkar næstkomandi laugardag kl:14:00. Dagskráin hefst á stuttum tónleikum nú og fyrrverndi nemenda sem sumir hverjir eru að koma um langn veg til að vera með okkur. Sérstakir gestir eru nokkrir af þeim sem stóðu að stofnun skólans og heiðursgestur verður Ármann Einarsson fyrrverandi skólastjóri Tónlistarskólans. Kaffi og kruðerí verður í boði og vonandi sjá sem flestir sér fært að koma og fagna með okkur því maður er manns gaman.

Vegna margra þátta verðum við að fresta Bubbatónleikunum sem vera áttu á morgun miðvikudag. Þeir verða vandlega auglýstir þegar þar að kemur og ATH: það er bara um tímabundna frestun að ræða.

Febrúar verður afmælismánuður Tónlistarskólans í Fellabæ.