Fréttir

Skráning í nám næsta skólaár er hafin.

Við í Tónfell fögnum því að eftir 4.maí næstkomandi verður starfsemin aftur með eðlilegum hætti.

Dagur Tónlistarskólanna er laugardaginn 8.febrúar og í mörgum Tónlistarskólum er dagskrá í tilefni hans.

Skólagjöld Tónlistarskólanna á Fljótsdalshéraði ákvarðast af fræðslunefnd og miðast gjaldskrá við eitt ár í námi. Árgjaldinu er skipt í sex jafnar greiðslur, þrjár fyrir áramót og þrjár eftir áramót, en einnig er hægt að biðja um að fá að greiða þau frekar með tveimur greiðslum. Innheimtufulltrúi hjá Fljótsdalshéraði sér síðan um að senda reikninga til greiðenda og koma þeir í netbanka.

Síðastliðna helgi var tónsköpunarsmiðjan Upptakturinn haldin í menningarmiðstöðinni á Eskifirði og var þetta 14 tíma vinnuhelgi þar sem börn í 5 - 10 bekk eiga þess kost að vera með eigin tónsmíð og vinna með fagfólki í að útsetja og að flytja síðan verkin sín. Í gær sunnudag var svo uppskeruhátíð og eitt verk valið til að koma fram á tónleikum í Hörpunni 21.mars næstkomandi. Við í Tónfell erum afar stollt af því að þrír nemendur Tónlistarskólans í Fellabæ voru með frumsamin lög í þessari smiðju, voru það þau Friðrik Árnason, Gyða Árnadóttir og Ína Berglind Guðmundsdóttir. Það voru alls 11 verk sem komu svo fram á tónleikum í gær og er ekki síður gaman að segja frá því að lagið hennar Gyðu var valið til taka þátt á tónleikunum í Hörpu og óskum við henni innilega til hamingju og þeim öllum með að taka þátt og vera að semja eigin tónlist, sem er frábært! Hér fyrir neðan eru upplýsingar um Upptaktinn sem fengnar af heimasíðu Hörpunnar, harpa.is og geta allir farið þar inn og lesið sér til um þennan viðburð sem gefur ungum tónskáldum tækifæri að koma sinni tónsköpun á framfæri og ekki síst það að hvetja ungt fólk til tónsköpunar. Upptakturinn slær taktinn á ný Með Upptaktinum, Tónsköpunarverðlaunum barna og ungmenna, er ungu fólki gefið tækifæri til að senda inn tónsmíð eða drög að henni og vinna markvisst úr hugmyndum sí num með fulltingi listamanna. Afrakstur þeirrar vinnu má sjá og heyra á tónleikum Upptaktsins á opnunardegi Barnamenningar þann 21. apríl 2020 í Silfurbergi í Hörpu. Þar leika atvinnuhljóðfæraleikarar verkin á meðan ungmennin sitja á meðal áheyrenda. Upplýsingar Nú blásum við til leiks, áttunda árið í röð, og kynnum nýjan Upptakt 2020. Upptakturinn er samstarfsverkefni Hörpu, Barnamenningarhátíðar, RÚV og Listaháskóla Íslands. Upptakturinn er opinn ungmennum í 5. – 10. Bekk. Áhersla er lögð á að hvetja börn og ungmenni til að semja tónlist og styðja þau í fullvinnslu hugmyndar. Ungmennin sem komast áfram taka þátt í tónlistarsmiðju með nemendum Skapandi tónlistarmiðlunar við Listaháskóla Íslands, auk þess að vinna að útsetningum undir leiðsögn nemenda Tónsmíðadeildar. Að þessu ferli loknu höfum við eignast nýtt tónverk sem við getum flutt á tónleikum og varðveitt með upptöku.

Í gær voru Jólatónleikarnir okkar haldnir, hátíðlegir og fallegir þar sem nemendur fluttu okkur jólatónlist úr ýmsum áttum með glæsibrag. Margmenni var á tónleikunum og þökkum við öllum þeim fjölmörgu er mættu þrátt fyrir snjó og hraglanda fyrir komuna. Við í Tónlistarskólanum í Fellabæ óskum nemendum, foreldrum og öðrum velunnurum okkar gleðilegra jóla og farsældar á komandi ári og þökkum fyrir samstarfið á árinu sem kveðjur brátt. Kennsla hefst á nýju ári mánudaginn 6.janúar.

Síðastliðinn föstudag fóru nemendur frá Tónfell og léku og sungu fyrir gesti á Aðventuskemmtun eldri borgara í Hlymsdölum og strax þar á eftir fóru þeir nemendur sem eru í Lúðrasveit Tónlistarskólanna á Egillstöðum-og í Fellabæ á aðventuskemmtun í Landsbankanum og léku þar fyrir gesti og gangandi. Við minnum svo á Jólatónleikana okkar í dag kl:18:00 í sal Fellaskóla.

Vegna veðurs í gær féllu jólatónleikarnir okkar sem vera áttu þá niður. Þeir verða haldnir mánudaginn 16.desember kl:18:00 í sal Fellaskóla. Þar munu nemendur flytja ljúfa jólatónlist og það eru allir hjartanlega velkomnir og aðgangur er ókeypis.

Í gærkvöldi hélt tónlistarfélag ME frábæra og metnaðarfulla tónleika í hátíðarsal menntaskólans. Virkilega frambærilegir hljóðfæraleikar og söngvarar sem þar komu fram og eiga þau öll hrós skilið. Gaman að fylgjast með fyrr-og núverandi nemendum okkar í Tónfell ganga veg tónlistarinnar og erum við að sjálfsögðu afar stolt af þeim. Tónlistarfélagið þarf ekki að örvænta og við hvetjum þau til dáða og frábært hvað þau fá mikinn stuðning frá skólastjóra og kennurum svo ekki sé nú minnst á kennarakórinn sem er frábær viðbót í tónlistarflóru ME.

Miðvikudaginn 11.desember kl:18:00 í sal Fellaskóla verða Jólatónleikar skólans haldnir. Það eru allir hjartanlega velkomnir að njóta jólatónlistar og eiga notalega stund með okkur á aðventunni. Aðgangur er ókeypis.